ქიმერიონის ისტორია 2012 წელს იწყება კახეთის გულში მდებარე სოფელ ჩუმლაყში — რეგიონში, სადაც მეღვინეობა არა უბრალოდ პროფესია, არამედ ცხოვრების წესი და ტრადიციაა. 

საწარმო აღჭურვილია თანამედროვე ტექნოლოგიებით, ლაბორატორიით, ჩამოსასხმელი დანადგარებით, უჟანგავი ფოლადის რეზერვუარებით, პნევმატიური წნეხებით და სრული ტემპერატურული კონტროლის სისტემით, რაც უზრუნველყოფს ღვინის წარმოების პროცესის სრულ მონიტორინგსა და ანალიზს საერთაშორისო სტანდარტების შესაბამისად. საწარმო მუშაობს სრულ, დახურულ წარმოების ციკლში — დაწყებული ყურძნის შერჩევით და დამთავრებული საბოლოო პროდუქტით. 2022 წლიდან დღემდე, წარმოება სრულად აკმაყოფილებს ISO 22000:2018-ის მოთხოვნებს, რის საფუძველზეც ორგანიზაციას აქვს სურსათის უვნებლობის მენეჯმენტის სისტემის საერთაშორისო სერტიფიკატი. კომპანიაში ასევე დანერგილია HACCP სისტემა. რაც ქიმერიონს საშუალებას აძლევს აწარმოოს სხვადასხვა ასორტიმენტის მაღალი ხარისხის ღვინოები, მათ შორის საკუთარი სამარკო ნიშნით, როგორებიცაა ჩქერა, მარულა, ალაზნური, ანგური და ლილე.